N.ABDUL HADI BAQUAVI, www.hadibaquaviar.blogspot.com

மணமகளுக்கு அறிவுரை

2011-10-22T10:05:00.000+05:30

மணமகளுக்கு அறிவுரை கூறுவதுபோல் நான் எழுதிய மணவாழ்த்து மடலிது.

பல்லாண்டுகள் காத்திருந்து-உன்
புன்னகை முகம் காணவே
இன்று உனைத் தேடி வரும்
உன் வாழ்க்கைத் துணைவரை
உன் உதட்டோரப் புன்னகையால்
அன்பாக வரவேற்று மகிழ்வாய்!

இன்பமும் துன்பமும்
ஒன்றன்பின் ஒன்றாக
ஓயாது வந்தாலும்-உன்
உதட்டோரப் புன்னகையே
உன்னவரின் உள்ளத்திற்கு
நன்மருந்தாகட்டும்!

ஆழியில் ஓயாத
அலைகளைப் போல்
நாள்தோறும் வீசிடும்
தென்றலைப்போல்
ஓயாது ஓடிடும்
காலத்தைப்போல்
தடையின்றிப் பாய்ந்தோடும்
நதியினைப் போல்-உம்
இனிய இல்லறத்தில்
இன்பமே நிலைக்கட்டும்!

விண்ணை நீங்கா
மதியைப்போல்
கண்ணை நீங்கா
இமையைப்போல்
கைவிட்டு நீங்கா
ரேகையைப்போல்-உன்
இனிய துணைவரை
நீங்காது வாழ்ந்திடுவாய்!

பூந்தோட்ட மலர்கள்-நாளும்
பூத்துக் குலுங்கிக்
காண்போர் உள்ளத்தைக்
கொள்ளை கொள்வதுபோல்-உன்
செவ்வாய் இதழ்விரித்துச்
சிரித்திடும் சிரிப்பாலே-உன்
துணைவரைக் கவர்ந்து
இல்லறத்தைத் தொடர்வாய்!

செடியில் பூத்த மலர்கள்
வாடிவிட்ட போதிலும்
மறுநாள் பூப்பதைப் போல்
உனை ஒரு துன்பம்
தொட்டுவிட்ட போதிலும்
வாடி வதங்கித் தளர்ந்திடாமல்
நித்தமும் நீ பூப்பாய்!
புகுந்த குடும்பத்திற்குப்
பெருமை பல சேர்ப்பாய்!

வண்ண வண்ணப் பூக்கள்
சோலைக்குப் பெருமை
மின்னும் விண்மீன்கள்
வானுக்குப் பெருமை
துள்ளும் மீன்கள்
ஆழிக்குப் பெருமை
வளமான பயிர்களே
வயலுக்குப் பெருமை
நல்ல மழலைகளே
தாய்மைக்குப் பெருமை!

மதிநுட்ப மழலைகள்
நனிசிறக்கப் பெற்று
குறைவற்ற செல்வத்தை
நிறைவாகப் பெற்று
இனிய இல்வாழ்வை
இன்புற்றுக் களித்திடுவாய்!
இன்றுபோல் என்றென்றும்
இன்பமாய் வாழ்ந்திடுவாய்!

இறையோனின் வார்த்தைகளை
இதயத்தில் ஏற்று
இறைத்தூதர் வாழ்க்கைதனை
இனிமையாய்க்கொண்டு
இகத்தினில் என்றென்றும்
இதமாய் நீவிர்
இன்புற்று வாழ்ந்திட
இனிதே வாழ்த்துகிறோம்!

அன்புடன்
நூ. அப்துல் ஹாதி பாகவி

குடும்பத்தினர்

மணவாழ்த்து மடலிது

2011-10-15T10:58:00.000+05:30

மணாளர் : S. முஹம்மது அப்துல்லாஹ் B.E., M.B.A.,
மணாளி : S. ராபியத்துல் ஃபஜ்ரியா
மணநாள் : 15.10.2011 (17.11.1432) சனிக்கிழமை
மணவிடம் : ஆணைக்கார் அப்துல் ஷுகூர் கலையரங்கம், புதுக்கல்லூரி.

சிதறிக்கிடந்த முத்துக்களைச்
சிறு நூலில் கோர்த்தாற்போல்
பரவிக் கிடந்த மலர்களை
ஒரு நூலில் சேர்த்தாற்போல்
எங்கோ பிறந்த ஈருயிர்கள்
இங்கு ஒன்றாய் இணைவதைக் காணீர்!

பார்ப்போரெல்லாம் வாழ்த்தும்வண்ணம்
பாரினில் பிணைந்திட்ட தம்பதிகாள்!
பாருக்கெல்லாம் இறைத்தூதரான
பார்போற்றும் உத்தமர் வழியிற்சென்று
சீர்மிகு இல்லறத்தை- நீவிர்
சீரோடும் சிறப்போடும் நடத்திடுவீர்!

வண்ண வண்ணப் பூக்கள்
சோலைக்குப் பெருமை
மின்னும் விண்மீன்கள்
வானுக்குப் பெருமை
செழித்த பசும்பயிர்கள்
வயலுக்குப் பெருமை
பணிவான பெண்ணே
இல்லத்தின் பெருமை!

அன்பான கணவரைக்
கரம்பிடித்த நங்கையே!-உன்
பண்பாலும் பணிவாலும்
அவருள்ளம் கவர்வாயே!-இனிய
சொல்லாலும் செயலாலும்
கல்பட்ட நெஞ்சமும் பஞ்சாகும்
நல்வஞ்சியே! நீஇதை உணர்வாயே!

இறைமறையின் வாக்குகளை
இதயத்தில் ஏந்தி-நீவிர்
மறை வாழ்வு வாழ்வீரே!
நிறை வாழ்வு வாழ்வீரே!
குறையற்ற வாழ்க்கைதனை-இக்
குவலயத்தில் வாழ்ந்து-நீவிர்
ஒருவருக்கொருவர் காக்கும்
திரையாக ஆவீரே!

விட்டுக்கொடுத்தோர்
கெட்டுப் போனதில்லை-எனும்
பட்டறிவுப் பழமொழியைப்
பட்டென மனதில் ஏற்று
விட்டுக்கொடுத்து வாழ்ந்திடுவீர்!-நீவிர்
தட்டிக்கொடுத்து உயர்ந்திடுவீர்!

இன்பங்கள் எத்துணைதான்
இவ்வுலகில் இருந்தாலும்
இனியதொரு துணைவிபோல்
இன்பம் ஆங்குண்டோ?
பார்க்கும் இடமெல்லாம்
பாவைகள் பலர் இருந்தாலும்
பாரினில் அன்புமிகு
துணைவிபோல் உண்டோ?

பரந்து விரிந்திட்ட
பசுமையான இப்பாரினிலே
திறந்த மனத்துடனே
இனிய நற்பண்புடனே
சிறந்த இல்வாழ்வைச்
சீரோடும் சிறப்போடும்
பிறர் போற்ற நீவிர்
பல்லாண்டு வாழ்ந்திடுவீர்!

உள்ளங்கள் ஒன்றுபட்ட
நல்ல எண்ணங்களோடு
உள்ளவரை உலகில் வாழ
உளமார வாழ்த்துகிறோம்!-நீவிர்
இருவரும் இணைந்தே
இப்பாரினில் நீடூழி வாழ
இருகரமேந்தி-தூய
இறைவனிடம் இறைஞ்சுகிறோம்!

வாழ்த்தும் நெஞ்சம்

நூ.அப்துல் ஹாதி பாகவி

நபிமார்கள் வரலாறு இரண்டாம் பாகம் வெளியீட்டு விழா

2011-06-24T10:06:00.002+05:30

சுயநலவாதி

2011-02-25T12:20:00.002+05:30

விதியை ஏற்று நடைபோடு!

2010-10-20T15:42:00.000+05:30

புதுசு

2010-10-20T15:40:00.000+05:30

இனிய திசைகள் செப்டம்பர் 2010

நபிமார்கள் கேட்ட துஆக்கள்

2010-10-12T14:28:00.000+05:30

மாநபியும் மருத்துவமும்

2010-09-23T06:21:00.000+05:30

நான் இதற்கு முன் மொழிபெயர்ப்பு நூல்கள் சிலவற்றை வெளியிட்டிருந்தாலும், என்னுடைய சொந்த நூல் எனும் அடிப்படையில் இதுவே முதல் நூல் ஆகும். நான் முஸ்லிம் இதயக்குரல் மாத இதழில் தொடர் கட்டுரையாக எழுதிவந்த மாநபியும் மருத்துவமும் எனும் அதே தலைப்பிலேயே இந்நூலை வெளியிட்டுள்ளேன். இதில் நபி (ஸல்) அவர்களின் பொன்மொழிகளுக்கேற்ப தற்கால மருத்துவக் கருத்துகளையும் ஆய்வு செய்து எழுதியுள்ளேன். இது ஒரு பயனுள்ள நூல் என்பதில் சந்தேகமில்லை. இதன் விலை ரூபாய் 20 மட்டுமே. இதைச் சென்னை மண்ணடியிலுள்ள பஷாரத் பதிப்பகத்தார் வெளியிட்டுள்ளனர். நூலைப்பெற: 044 25225028

நபிமார்கள் வரலாறு (முதல் பாகம்)

2010-09-22T09:19:00.001+05:30

தமிழாக்கம்: காரீ நூ அப்துல் ஹாதி பாகவி M.A., M.Phil.

ஆலங்குடி

விரைவில் வெளிவருகிறது!

2010-09-15T09:31:00.000+05:30

முஹம்மது முஸ்தபா அல்ஜிபாலீ ஆங்கிலத்தில் எழுதிய முஸ்லிம் பேமிலி எனும் நூலைமௌலவி நூ. அப்துல் ஹாதி பாகவி தமிழாக்கம் செய்துள்ளார். இஸ்லாமிய இல்லறம்எனும் தலைப்பில் விரைவில் வெளிவருகிறது. சென்னையில் உள்ள சாஜிதா பதிப்பகம் இந்நூலை வெளியிட்டுள்ளது. இந்நூலில் கணவன் மனைவி ஒருவருக்கொருவர் செய்ய வேண்டிய கடமைகள், திருமணம் தொடர்பான அனைத்துத் தகவல்களும் திருக்குர்ஆன் மற்றும் நபிமொழிகளின் ஆதாரங்களோடு கூறப்பட்டுள்ளன.

தம்பதிகள் அனைவரும் அவசியம் படிக்க வேண்டிய அரிய நூல். பக்கங்கள்: 448 விலை: ரூ. 175/- அலைபேசி : 9840977758

நூல் மதிப்புரை (தினமணி)

2010-09-08T11:28:00.002+05:30

Dinamani 06 09 2010

நபிமார்கள் வரலாறு (தமிழில்)

2010-08-25T16:13:00.000+05:30

நூல் வெளியீட்டு விழா

2010-08-17T15:38:00.002+05:30

பட்ட மரம் ஆகாதே!

2010-08-17T15:11:00.000+05:30

நூல் வெளியீட்டு விழா (தினமணி)

2010-08-07T14:29:00.000+05:30

http://epaper.dinamani.com/newsview.aspx?parentid=17773&boxid=32450207&archive=false

நபிமார்கள் வரலாறு (தமிழில்) பாகம் 1

2010-08-03T14:43:00.000+05:30

நூல் வெளியீட்டு விழா

2010-07-29T16:08:00.002+05:30

நூல் வெளியீட்டு விழா

2010-07-29T16:04:00.002+05:30

நபிமார்கள் வரலாறு (தமிழில்)

2010-07-19T16:51:00.003+05:30

இறைவனுக்கு அஞ்சிடு!

2010-04-19T09:12:00.000+05:30

இறைமேல் நேசம்

2010-04-13T14:31:00.000+05:30

எல்லோரும் உறங்கும்

நடுநிசி நேரத்தில்
படைத்தவன் பற்றிய
பயம் எனைப் பற்றவே
தூக்கத்தை எறிந்துவிட்டு
துன்பத்தைத் தாங்கி-இறை
பக்தனாக மாறிட
பக்கத்திலிருந்த
சனி நீரை எடுத்து
பனியென்றும் பாராமல்
உடல்சுத்தி செய்து
உறுதியாய் நின்றேன்.
நடுநிசித் தொழுகையை
நலவாய் முடித்தேன்.

பணத்தை விரும்பாமல்
பதவியைக் கேட்காமல்
படைத்தோனை நினைத்து
கண்ணீருடனே
கரமிரண்டை நீட்டிக்
கருணையாளனின்
அருள்வேண்டி நின்றேன்.

மாரெல்லாம் குளிரும்
மார்கழி மாதத்தில்
மாரியும் பனியும்
பொழியும் நேரத்தில்
உணர்வின்றி
உறங்கிக் கிடந்த நான்
படைத்தோன் பள்ளியில்
பாங்கொலி கேட்டு
பட்டென எழுந்து
சட்டென விரைந்து
குளிர்ந்த நீரில்
உடல் சுத்தம் செய்து
உயர்ந்தோன் அல்லாஹ்வை
வழிபடச் சென்றேன்.

எத்துணை பொருட்கள்
இத்தரணியில் இருந்தாலும்
உன்னையே நேசிப்பேன்
உன்னிடமே யாசிப்பேன்.

2010-03-11T09:31:00.002+05:30

2010-03-11T09:29:00.002+05:30

இளமைப் பருவம்

2010-02-10T07:05:00.002+05:30

இஃதொரு

பைத்தியக்காரப் பருவம்.

கெட்டதை நல்லதாகவும்

நல்லதைக் கெட்டதாகவும்

கற்பனை செய்து காட்டும்.

வேகமிருக்கும்

விவேகமிருக்காது.

மூத்தோரின்

மூதுரைகளெல்லாம்

மூளையில் ஏறாது.

தான் எடுத்த முடிவே

சரியானதென

வாதிக்கும்.

கற்பனையில் பல

அற்புதங்களைக் காட்டும்.

ஆனால்-அவையோ

நிகழ்வுக்கு ஒத்துவரா.

யுவன் யுவதியையும்

யுவதி யுவனையும்

யூகத்தில் தேர்ந்தெடுப்பர்;

தேகத்தைக் காதலிப்பர்.

கலியுகத்தில் அது

காணாமல் போய்விடும்.

ஈருடல்கள் இடையே

ஈர்ப்பு ஏற்படும்.

இனக்கவர்ச்சியால்

இனம்புரியாத

காதல் ஏற்படும்!

உடம்பைக் காதலிக்கும்

மடமைப் பருவமிது.

இது

காந்தம் போன்றது.

யாராகிலும் ஒருத்தியை

ஈர்த்துக் கொள்ளவே

துடிக்கும்; விரும்பும்.

இருவருக்கும் இடையே

பொருத்தம் பார்க்காது.

விரும்பும் உள்ளங்கள்

நெருங்கிடத் துடிக்கும்.

நெருப்பாகப் பெற்றோர்

குறுக்கிடும்போது

வருத்தம் மிகும்.

உற்றார் உறவினர்

பெற்றோர் மற்றோர்

யாவரையும்-உடனே

உதறிடத் துணியும்.

உறவுகள் முறித்தும்

உயிரினைப் பறித்தும்

உரியவள் அவளை

அடைந்திடத் துடிக்கும்.

பாவையை அடைந்திட

அவள் கரம் பற்றிட

யாவையும் துறக்கத்

துணிவைக் கொடுக்கும்.

யாரையும் எதிர்த்திடத்

துணிச்சலைக் கொடுக்கும்.

யாவையும் துறந்து

பாவையை அடைந்து

சின்னாட்கள் அவளுடன்

சல்லாபம் கொண்டபின்

பாவை அவளோ

பாகற்காயாய்க் கசப்பாள்.

இருவருக்குமிடையே

அருவருப்பு அரும்பும்.

சிறுசிறு பிழையும்

பெரிதாய்த் தெரியும்.

பொறுத்திட முடியாமல்

வெறுத்திடத் தூண்டும்.

பிரிந்துவிடுவதே

சரியெனத் தோன்றும்.

முதியோர் கூற்றை

மதியாதார் வாழ்க்கை

பட்ட மரம்போல்

பட்டெனச் சாயும்.

பணமே வருகை தருவாயா?

2010-01-22T19:02:00.000+05:30

நீ

செல்வந்தர்களோடுதானே

உறவு வைத்துக்கொள்கிறாய்!

அவர்களைத்தானே

அன்றாடம் நீ

தேடிச் செல்கிறாய்!

ஏழைகள் எங்களின்

வீட்டுக்கு

வருகை தந்து-எம்

வறுமையைப்

போக்கமாட்டாயா?

நீயும்

கேடுகெட்ட மானிடரைப்

போன்றுதானோ?

அவர்கள்தாம்

வசதியுடையோருடனே

ஒட்டிக்கொள்வர்.

வசதியற்றோரை

வெட்டிக்கொள்வர்.

நீ

செல்வந்தர்களின்

இல்லங்களில்

சோம்பேறியாய்த்

துயில்கொள்வதைவிட

ஏழைகள் எங்களின்

குடிசைகளுக்கு

வருகை தந்து-எங்களின்

வயிறுகள் நிரப்பலாமே!

நீ ஏன்

செல்வந்தர்களின்

பெட்டிகளுக்குள்

சிறைபட்டுக் கிடக்கின்றாய்?

எங்களின்

இல்லங்களுக்கு-நீ

வருகை தந்தால்

நாங்கள் உனைச்

சுதந்திரமாகத்

திரியவிடுவோமே!

செல்வந்தர் வீட்டில்

சிறைபட்டுக் கிடப்பதே

உன் விருப்பமா?

ஏழைகள் எங்களின்

இல்லங்களுக்கு

வருகை தந்து

சுதந்திரக் காற்றை

சுவாசிக்கமாட்டாயா?

ஏழை வீட்டுக்கு

வருகை தந்து-எங்கள்

குழந்தைகளின்

பசிபோக்க மாட்டாயா?

எங்கள் பிள்ளைகளின்

உயர்படிப்புக்கு

உதவிசெய்ய மாட்டாயா?

இங்கே

வெம்பி வாடும்-முதிர்

கன்னிப் பெண்டிரின்

திருமணத்தை

நடத்தி வைக்கமாட்டாயா?

தினம் தினம்

துன்பத்தில் துவளும்-எங்கள்

துயரத்தைக் களைந்திட-எம்

இல்லங்களுக்கு-நீ

என்றுதான்

வருகை தருவாயோ?

உன்

வரவுக்காகக்

காத்திருக்கும்

பரம ஏழை..

பணமே! பணமே!

2010-01-21T09:28:00.000+05:30

அருளில்லார்க்கு

அவ்வுலகில்லை

பொருளில்லார்க்கு

இவ்வுலகில்லை-எனும்

நன்மொழி படித்து

உன்னை நேசித்தேன்.

அல்லும் பகலும்

அயராதுழைத்தேன்.

அவனியில் வாழ்ந்திட

அயராதுழைத்தேன்.

உனைத்தேடித் தேடி-என்

உறவுகளை மறந்தேன்.

உனைத்தேடி அடைந்திட

பல்லிடம் அலைந்தேன்.

படைத்தோன் விதித்த

தடைகளை மீறி-உனை

ஈட்டிச் சேர்த்தேன்.

வட்டியில் ஈட்டிய

மொத்தப் பணத்தையும்

பெட்டியில் வைத்தே

பூட்டினை இட்டேன்.

உன் மூலம்-நான்

நிம்மதி பெறவே

உனைத் தேடி உலகினில்

நாள்தோறும் அலைந்தேன்.

அயல்நாடு சென்று

அயராதுழைத்தேன்.

உவர்நீர் சிந்தி

உற்சாகமாய் உழைத்தேன்.

உற்ற மனைவியை

பெற்ற பிள்ளைகளை

பற்றின்றி துறந்தேன்.

ஆனால்

நீ வந்த பின்பே

நிம்மதியிழந்தேன்.

நித்தமும் கட்டிலில்

நித்திரை இழந்தேன்.

உனை அடைந்திடவே

இத்தரணியில்

எத்தனை குற்றங்கள்!

எத்தனை கொலைகள்!

பணம் பாதாளம்வரை

பாயும்.

பணம் பத்தும்

செய்யும்.

பணம் பந்தியிலே

குணம் குப்பையிலே.

உனக்குத்தான்

எத்தனையெத்தனை

பழமொழிகள்!

உனை அடைந்திடத்தானே-ஒரு

வஞ்சியவள்

வேசியானாள்.

உனைப்

பெற்றிடத்தானே

பெற்றவளையே-ஒரு

தனயன் கொன்றான்.

உனைப் பெற்றிடத்தானே

உடன்பிறந்தானின்

உயிரையே பறித்தான்.

உனை அடைந்திடத்தானே-பல

தடைகளை மீறி-பிறர்

உடைமைகளைக்

களவு செய்தான்.

உனைப் பெற்றிடத்தான்

எத்தனையெத்தனை

குறுக்கு வழிகளை

குறுமதி மானிடன்

கைக்கொள்கிறான்.

பெருவாரியாக-உனைப்

பெற்றிட எண்ணி

கள்ளத்தனமாய்

கள்ள நோட்டடித்தான்.

இன்று-அவன்

சிறையறைக்குள்

சிக்குண்டு தவிக்கிறான்

காலம் செப்புகிறது

2010-01-15T08:08:00.000+05:30

மனிதா!

காலம் கெட்டுவிட்டது-என

என்னைத் திட்டாதே!

உன்னை நீயே திட்டிக்கொள்!

காலம் என்றும் கெடுவதில்லை

காலத்தில் வாழும்

மானிடனே கெட்டுவிட்டான்.

இஸ்லாம்

மூடப்பழக்கத்தை

ஒழித்த பின்பும்-நீ

அதிலேயே

மூழ்கிக் கிடப்பதேன்?

விஞ்ஞான உலகிற்கு-நீ

வருகை தரமாட்டாயா?

நல்ல நேரம்

கெட்ட நேரம்-என

என்னில் பிரிவினையை உண்டாக்கிய

குறுமதி மனிதா!

அறிவுலகம் வா! வா!

ஆரூடம் பார்த்து

ஆராய்ச்சி பல செய்து

நல்ல நேரமதைத்

தேர்ந்தெடுத்து மணமுடித்த

நீ மட்டும்

நிம்மதியாய் வாழ்கிறாயா?

கைரேகை பார்க்காமல்

பஞ்சாங்கத்தை நம்பாமல்

மணமுடித்த நல்லோர்களும்

இறைநம்பிக்கையாளர்களும்

இன்பமாய் வாழவில்லையா?

இன்பமும் துன்பமும்

இறைவிதிப்படி நடக்குமடா!

காலத்தைத் திட்டுவதால்

கண்ணியந்தான் கிடைத்திடுமா?

காலத்தை வெறுப்பதனால்

கவலைகள்தாம் நீங்கிடுமா?

கணினி யுகத்திலும்

கண்மூடித்தனமாக

அறியாமையில் உழலும் உன்

அறியாமையை என்னென்பேன்!

வினை செய்யச் சென்றபோது

பூனை குறுக்கே சென்றதினால்

வீணாகிப் போய்விடுமோ-உன்

வினையும் அன்றைக்கு?

விஞ்ஞானம் வளர்ந்ததினால்

மெஞ்ஞானம் குறைந்ததுவோ?

பட்சிகளின் ஆரூடம்

மெதுவாகக் கரையேறி

கம்ப்யூட்டர் ஆரூடம்

கச்சிதமாய்த் தொடர்கிறதே!

இன்டர்நெட் காலத்திலும்

அறிவிலிகள் எத்தனைபேர்!

விண்கலம் தயாரித்து

விண்ணுக்கு அனுப்புமுன்னே

மண்ணதிரத் தேங்காயுடைத்து

கண்மூடி பூசைசெய்து

விஞ்ஞானிகளுக்கே

விஞ்ஞானம் சொல்லும்

வித்தகர்கள் நாட்டிலுண்டு.

நேரம் என்பதெல்லாம்

காலத்தை அறிவதற்கே!

நாட்கள் என்பதெல்லாம்

இரவு பகல் அறிவதற்கே!

மாதங்கள் என்பதெல்லாம்

ஆண்டினை அறிவதற்கே!

ஸஃபர் எனும்

இரண்டாம் மாதம்

பீடையென அழைக்காதீர்!

மூடப்பழக்கங்களில்

மூழ்கிக் கிடக்காதீர்!

மூடப்பழக்கங்களை

முதுகிற்குப் பின்னெறிந்துவிட்டு

முறையான இஸ்லாத்தில்

முழுமையாக நுழைந்திடுவீர்!

கன்னியின் திருமணம்

2010-01-01T12:15:00.001+05:30

இத்தனை நாள்

பொறுமையாய்க் காத்திருந்த

கன்னி எனக்கு

இன்று திருமணம் நடக்கின்றது!

மணாளனோ அழகன்;

படித்துப் பட்டம் பல

பெற்றவன்.

மஹ்ர் கொடுத்து

மணமுடிப்பேன்;

வரதட்சிணை வேண்டாமென்றான்.

மணப்பெண் எனக்கோ

மட்டில்லா மகிழ்ச்சி.

ஓர் ஆண்துணை கிடைத்துவிட்டதால்

முகமெல்லாம் மலர்ச்சி.

எனைப் பாரமாய்

நினைத்திருந்த தந்தைக்கு

வாயெல்லாம் பல்லு.

எல்லோரும் ஒன்றுகூடி

என் திருமணம் நடக்கின்றது.

ஆலிம்சா வந்தாச்சு

குத்பாவும் ஓதியாச்சு.

ஈஜாபு கபூல்

சொல்லுமுன்னே

பாவி நான்

விழித்துவிட்டேன்-என்

கனவும் கலைந்துவிட்டது!

(நர்கிஸ் மே 2001 இதழில் வெளிவந்த கவிதையிது.)

மரணம் வருமுன் தொழு!

2009-12-29T19:54:00.000+05:30

“ஐநேரத் தொழுகை

அனுதினமும்

கடமை” என்றேன்-நீ

ஆகாரம் தேடுவதிலேயே

ஆர்வமாய் இருந்தாய்.

“உனக்குத் தொழுகை

நடத்துமுன்-நீ

தொழுதுகொள்” என்றேன்.

தொழில்செய்யவே

தொடர்ந்து நீ முயன்றாய்.

“மரணம் வரும்வரை

மட்டில்லா ஆசைகள்-உன்

இறைவன் நினைவைவிட்டு

அகற்றிவிட வேண்டா” என்றேன்.

காதில் வாங்காமல்

கவனமற்று இருந்தாய்!

“ஆறிலும்

அழிவு வரலாம்.

நூறிலும்

அழிவு வரலாம்.

ஆகவே அல்லாஹ்வை

ஆர்வமாய்த்தொழுதுகொள்!”

என்றேன்.

நீயோ

வீண்பேச்சு, கேளிக்கை

அரட்டையில் நாள்தோறும்-உன்

நாட்களைக் கழித்தாய்!

தொழு! தொழு! என்று

தொடர்ந்து நான்

சொன்னபோதும்

தொழாத நீயோ

தொலைக்காட்சி நிகழ்ச்சிகளைத்

தொடர்ந்து இரசிப்பதிலே

காலத்தைத் தொலைத்தாய்!

இதோ-உன்

உயிரைப் பறிக்கின்ற

வானவர் வந்துவிட்டாரே

இப்போது நீ

என்ன செய்யப்போகிறாய்?

இல்வாழ்வில் இணைந்த தங்கைக்கு...

2009-12-29T07:00:00.000+05:30

சின்னச்சின்ன விடயத்திற் கெல்லாம் தினமும்

சின்னப்பெண் போல்நீ சிணுங்காதே!-உன்

சிரிப்பை மறந்து சிறிது நேரம்-சுடும்

நெருப்பாய் நீயும் மாறாதே!

இருக்கும் நேரத்தை மகிழ்வாய்க் கழித்து

ஒருவருக் கொருவர் அன்பினைப் பகிர்ந்து

இன்ப நுகர்ச்சி கொள்வதே- இனிய

இல்லற வாழ்க்கை யாம்!

பெண்-ஆண் உரிமையில் சமமே யாயினும்

பெண்ணைவிட ஆண் ஒருபடி மேலேயாம்.

நுண்ணிய மொழிசொல்லும் திருமறையின்

உண்மைக் கூற்றினை உணராயோ?

ஆகாரம்தேடி உனைக் காக்க நாளும்

ஆண்மகன் வெளியில் செல்வானே-அவன்

ஆயிரமா யிரம்பிரச் சினையுடனே-தன்

ஆருயிர் மனைவிதேடி வருவானே.

இல்லம் நுழைந்ததும் எங்கே, ஏன் எனும்

பொல்லாக் கேள்வியைக் கேட்காதே!-அவனுக்கு

தொல்லைகள் தந்து துன்பமிழைத்து-நீ

அல்லல் பட்டு வாழாதே!

அண்டை வீட்டுப் பெண்டிரோடு-வீண்

சண்டை ஏதும் போடாதே!-அவரோடு

தேவையற்ற பேச்சு வார்த்தையில்-காலமதை

பாவையேநீ வீண் செய்யாதே!

மாமியாரே உன் அன்னை யாவார்

மாமனாரே உன் தந்தை யாவார்.

மாசற்ற மனதுடனே பணிவிடைகள் செய்துநீ

மாநிலத்தில் மகிழ்ச்சியாய் வாழ்வாயே!

செய்யும்செயலைச் சிறப்பாய் செம்மையாய்

செவ்வனே செய்திடப் பழகிக்கொள்-நீ

பொய்யான, நிலையற்ற தரணி யதில்

மெய்யான வாழ்க்கை வாழ்வாயே!

நடப்பவை யாவும் இறைவன் விதிப்படி

நலிந்து சோர்ந்து போகாதே!-இனி

நடப்பவை யாவும் நலவாய் நடக்கும்-இறை

நம்பிக்கை நாளும் துறவாதே!

நாயன் உனக்கு நலவாய் எழுதிட்ட

நன்மை யாவும் கிடைத்துவிடும்-ஏக

நாயன் அருளுடன் நானிலத்தில் நாளும்

நன்றாய் நலமாய் வாழ்வாயே!

………………………………………………………………………

பாவையர் பலவிதம்

2009-12-25T20:58:00.001+05:30

பெண்களைப் புவிப்பரப்பில் இறைவா! படைத்தாய்.

ஆண்களை அவர்கள்பின் அலைக்கழிக்க வைத்தாய்.

அணங்குகளின் அழகினை மேனியிலாக்கி-அவர்களின்

குணங்களை உள்ளுக்குள் மறைத்தாய்!

ஓராயிரம் பெண்டிரைக் கண்டிட்ட போதும்

குணமிக்க மங்கை எவளென்று நானும்

தினம்தினம் பற்பல முகங்களைக் கண்டு

திராணி இழந்தேன் அவர்களுள் பலவிதம் உண்டு.

பேராசை கொண்ட பேதைகளும் உண்டு

பொருளாசை கொண்ட பெதும்பைகளும் உண்டு.

பொன்னாசை கொண்ட பெண்டுகளும் உண்டு.

பொறுமைமிகு பூவையர் சிலரும் உண்டு.

நற்குணமிக்க ஏழை நங்கையரும் உண்டு.

துர்க்குணம் கொண்ட சீமாட்டிகளும் உண்டு.

இன்பத்தை அள்ளிவரும் இனியவளும் உண்டு.

துன்பத்தைக் கொண்டுவரும் காரிகையும் உண்டு.

கர்வமிக்க கன்னிகள் பலரும் உண்டு.

காதல்மிக்க காமுகிகள் சிலரும் உண்டு.

பார்த்தால் பசிதீரும் பத்தினியும் உண்டு.

பார்த்தால் சுட்டெரிக்கும் பாதகியும் உண்டு.

அபூர்வமான சிலபல அணங்குகளும் உண்டு.

அகந்தைமிக்க மடந்தைகளும் அவர்களுள் உண்டு.

அன்புசால், அழகுடைய மாதர்களும் உண்டு.

இன்னும் பலவித அணங்குகளும் உண்டு.

யாரை நான் தேர்ந்தெடுப்பேன் புவியினில் நின்று

புரியாத புதிராக உன் படைப்பினமும் இன்று.

முப்போதும் இசைந்துவரும் முகமுடையாள் தேடி

எப்போதும் அலைந்தேன் தெருக்களும் கோடி.

மெய்யான மங்கை எவளெனக் கண்டு

துய்யகுணமும் மார்க்கப் பேணுதலும் மிகுந்த

துய்யவளை இன்று என் துணைவியாக்கிக்கொண்டு

மெய்யான நபிவாழ்வை இனிதே தொடங்கிவிட்டேன்!

ஓரணியில் இணைவோம்!

2009-12-24T21:48:00.001+05:30

மனிதா!

நீ ஒன்றுபட்டால்தான்

மக்கள் ஒன்றுபடுவார்கள்.

சிதறுண்ட சமுதாயம்

எழுச்சி பெற்றதாய்

சரித்திரம் இல்லை.

"தனிமரம் தோப்பாகாது"

"ஒரு கையில் ஓசை வராது"

ஒன்றுபட்டால்தான்

உயர்வடைய முடியும்.

"கூடி வாழ்ந்தால் கோடி நன்மை"

இதை நீ உணர்வாய்!

பிரிந்து கிடக்கும் நார்கள்

ஒன்று சேர்வதால்தான்

உறுதிமிக்க கயிறு

உருப்பெறுகிறது.

சிதறிக் கிடக்கும்

பஞ்சு நூ ற்கள்

ஒன்று சேர்வதால்தான்

அழகிய ஆடையாகிறது.

பலர் ஒன்றுபட்டால்தான்

கூட்டமாகும்.

உறுப்பினர்கள் பலர்

ஒன்றிணைந்தால்தான்

குழுவாகும்.

அறிஞர்கள் பலர்

ஒன்றுகூடினால்தான்

”அவை" யாகும்.

நாம் சிதறுண்டு

பலமிழந்து கிடந்ததால்தான்

பழங்காலப் பள்ளியை

இழந்து நிற்கிறோம் !

நாம் ஒற்றுமையற்று

வேற்றுமைப்பட்டுக்

கிடப்பதால்தான்

எத்தனையோ அப்பாவி

முஸ்லிம்களின் உயிர்களை

இழந்து நிற்கிறோம் .

இவ்வளவு காலம்

பிரிந்துகிடந்தது போதும்!

இனியாகிலும் இணைவோம்

ஓரணியில்.

"நீ தனித்தவனாக ஆகிவிடாதே!

அவனோடுதான் ஷைத்தான்

நட்பு கொள்கிறான்”-என்பது

நபிமொழி.

நபிமொழியை ஏற்று

அதை நீ பின்பற்று!

ஒற்றுமை எனும் கயிறை

இறுக நீ பற்று!
(04-08-2000) 05-05-1421 அன்று மறுமலர்ச்சி வார இதழில் வெளிவந்த கவிதை

மனிதா விழித்தெழு!

2009-12-23T08:18:00.001+05:30

மனிதா!

பொழுது விடிந்துவிட்டது-இன்னும்

உன் உறக்கம் கலையவில்லையா?

உனைப் படைத்தவனை

வணங்கச் செல்லவில்லையா?

அழியப்போகும் அகிலத்தில்

அல்லாஹ்வை நினைக்காமல்

எத்தனை காலந்தான்-நீ

உறங்கிக்கொண்டிருப்பாய்?

எத்தனை காலம்தான்

இந்த உறக்கத்தில்-நீ

சுகம் காணப்போகிறாய்?

பகல் வந்துவிட்டது

இன்னும் நீ

படைத்ததவனை

வணங்கச் செல்லவில்லையா?

படுத்திருந்த உன்னை

விழிக்கச் செய்து பொருள்தேட

ஆற்றல் கொடுத்தவனை

எப்போதுதான்

நீ வணங்கப்போகிறாய்?

இனிய மாலைப்பொழுதும்

வந்துவிட்டது-இன்னும்

உனக்கு இறைவனைப் பற்றிய

எண்ணமில்லையா?

காலை முதல் மாலை வரை

உடலாரோக்கியம் கொடுத்து

உழைக்க வைத்தவன்-உன்

இறைவனல்லவா?

அவனை வணங்காமல்

எப்படி நீ உழைப்பாய்?

அந்தி முடிந்து இரவின்

தொடக்கமும் வந்துவிட்டது.

இன்னும் நீ இறைவனை

வணங்கவில்லையா?

இன்னும்-உன்

இதயம் இளகவில்லையா?

இன்று தொழாவிட்டால்

என்றுதான் நீ

தொழப்போகிறாய்?

இதோ

இரவின் கடைசிப் பகுதியும்

வந்துவிட்டது.

இன்னும் நீ

இறைவனை வணங்கவில்லையா?

உழைப்பதற்கு

ஊக்கம் கொடுத்து

அல்லும் பகலும்

அயராது உழைக்க

ஆற்றல் கொடுத்து

அன்பான மனைவி மக்களையும்

கொடுத்த இறைவனை

இன்னும் நீ வணங்கவில்லையா?

அழியப்போகும் அவனியில்

அயராது உழைத்து

என்ன சாதிக்கப்போகிறாய்?

இறைவனின் உதவியின்றி

இவ்வுலகில் நீ

என்ன செய்திட முடியும்?

எண்ணிப் பார்த்தாயா?

நம்மைப் படைத்த ஓரிறைவன்-நம்

நரம்புகளை இழுத்துவிட்டால்

நம்மால் என்ன செய்ய முடியும்?

எப்படி உழைக்க முடியும்?

விழித்தெழு மனிதா! விழித்தெழு!-உன்

உறக்கத்திலிருந்து விழித்தெழு!

படைத்த இறைவனை

பயபக்தியோடு

அனுதினமும் நீ தொழு!

அவனிடமே நீயழு!

சுயநலவாதி

2009-12-20T09:59:00.001+05:30

'வரதட்சிணை ஏதுமின்றி
மஹர்கொடுத்து உன்னை
மணமுடிப்பேன்' என்றான்.
'இஸ்லாமிய ஷரீஅத்தைப்
பின்பற்றுகிறான்' என்றேன்.

'திருமணத்தில்
சடங்கு சம்பிரதாயங்கள்
வேண்டாம்' என்றான்.
'நபிவழிப்படி
நடக்கின்றான்' என்றேன்.

'செலவுகள் குறைந்த
திருமணமே
திருநபிவழி' என்றான்.
உள்ளம் குளிர்ந்து
உவகை கொண்டேன்.

இரகசியமாய் என் மாமி
சில நகைகளைக்
கேட்டபோது-அவரைத்
தடுத்து நிறுத்தினான்.
'கொண்ட கொள்கையில்
உறுதியானவன்' என்றேன்.

'எட்டாம் மாதத்தில்
வளைகாப்பு,
சடங்குகள்
வேண்டாம்' என்றான்.
'இவனல்லோ ஆண்மகன்!'
வியப்பாய் வியந்தேன்.

குழந்தை பிறந்ததும்
அகீகா கொடுத்தான்.
'நபிவழிமுறையை
நடைமுறைப்படுத்திவிட்டான்'
என்றேன்.

பின்னொரு நாளில்
இஸ்லாமிய முறைப்படி
இரண்டாம் திருமணம்
இனிதே செய்திட
ஏற்பாடு செய்தான்.

செய்தியறிந்த நான்
கொதித்தெழுந்தேன்-அவனைக்
குதறிடப் பாய்ந்தேன்-அதை
நிறுத்தும்வரை
நில்லாமல் போராடினேன்!

பச்சிளங்குழந்தை

2009-12-14T07:44:00.001+05:30

பச்சிளங்குழந்தையின்
மழலைமொழிகேட்டு
மனம் மகிழும்
மாதா எங்கே?

தொட்டிலில் இட்டு
ஆரிரோ பாடி
தாலாட்டி உறங்கவைக்கும்
அன்புசால் அன்னை எங்கே?

குழந்தையின் பசியறிந்து
தாய்ப்பாலூட்டி
சீராட்டி வளர்க்கும்
உண்மைத்தாய் எங்கே?

பச்சிளங்குழந்தையின்
மழலைச் சொல்கேட்டு
பேசக் கற்றுத்தரும்
பாசமிகு அன்னை எங்கே?

இது
கணினி யுகமாகிவிட்டதால்
தாய்ப்பாசமும்
காணாமல் போய்விட்டதோ?

விஞ்ஞானக் காலத்தில்
மெய்யான தாயரெல்லாம்
பொய்யாகிவிட்டனரோ?
பாசமெல்லாம்
வேசமாகிவிட்டதோ?

வினாத் தொடுக்கின்றது
அன்னையின் அன்பையும்
அரவணைப்பையும் இழந்து
புட்டிப்பாலைப் பருகி
குழந்தைக் காப்பகத்தில்
வளர்கின்ற
பச்சிளங்குழந்தை.

இஸ்லாமியத் தமிழ் இலக்கிய மாநில மாநாடு-2009

2009-12-11T14:52:00.000+05:30

2009-12-03T14:54:00.001+05:30

தியாகத் திருநாள் வாழ்த்துக்கள்

2009-11-27T14:56:00.000+05:30

அனைவருக்கும் என்னுடைய தியாகத் திருநாள் வாழ்த்துக்கள்.
அன்புடன்

நூ அப்துல் ஹாதி பாகவி
ஆலங்குடி

யா அல்லாஹ் எனக்கருள்வாய்

2009-11-17T09:49:00.000+05:30

இறைக்காதலர்கள்

2009-11-14T10:16:00.001+05:30

நிலையற்ற உலகமதில்
காணுகின்ற காட்சியெல்லாம்
மலைக்க வைத்திடினும்
மனதைக் கவர்ந்திடினும்
மலையருகே அமைந்துள்ள
மக்கா மாநகரின்
க'அபா ஆலயத்தை
அலை போன்ற கூட்டத்தினர்
வலம் வருகின்ற-அக்
காட்சிக்கு நிகருண்டோ?

ஆவாரம்பூ தேடிச்செல்லும்
வண்டுபோல
ஆவினை நாடி ஓடும்
கன்றுபோல -இறை
ஆலயம் நாடிச்செல்லும்
அன்பர்களே ஹாஜிகளே!

காதல்கொண்ட காதலர்கள்-தம்
காதலியைத் தேடிச்செல்வர்.
நீங்களோ
இறைவனின் அருளைத் தேடி
இருப்பிடம் துறந்து சென்ற
இறைக்காதலர்கள்.

அன்னம் தேடிச்செல்லும்
அன்றாட விருந்தாளிகள்
அல்ல நீவிர்.
அன்பையும் அருளையும்
நாடிச் சென்றுள்ள
அல்லாஹ்வின் விருந்தாளிகள்.

வெள்ளாடை அணிந்துகொண்டு

வேற்றுமையைக் களைந்துவிட்டு

ஒற்றுமையாய் ஓரினமாய்

ஓரிறைவன் ஆலயத்தை

ஒவ்வொரு நாளும்

வலம்வரும் நீங்கள்

வல்லோனின் பார்வையில்

நல்லடியார்கள்.

வன்சொல், தீய செயல்

வீண் பேச்சைத் துறந்து

துன்ப துயரங்களை

இன்பமாய்ச் சுகித்துக்கொண்டு

இன்சொல்லையே உரைக்கும் நீவிர்

அன்பாளன் அல்லாஹ்வின்

சமாதானப் புறாக்கள்.

பன்னாட்டு மக்களோடு

பண்பட்ட இதயத்தோடு

படைப்பாளன் அல்லாஹ்-முதலில்

படைத்திட்ட இறையாலயத்தை

கருணையாளன் அல்லாஹ்வின்

கட்டளைக்கேற்ப

சுற்றிச் சுற்றி வந்து

சற்றும் குறையில்லா

புத்தம் புது மானிடராய்

பிறந்தகம் திரும்பிடுவீர்!

2009-10-21T22:30:00.005+05:30

மீண்டும் நரகாசுரன்

2009-10-21T07:19:00.001+05:30

நேற்று
மீண்டும் வந்தான்
நரகாசுரன்.

ஆண்டு முழுவதும்
அரும்பாடுபட்டுச்
சம்பாதித்த பணத்தையெல்லாம்
வெடியாகக் கொளுத்திக்
கரித்தான்
புகைத்தான்.

கூரை வேய்ந்திருந்த அந்த
ஏழை வீட்டின்
ஓலைக் குடிசையையும்
வெடியால் கொளுத்திச்
சாம்பலாக்கினான்.

வெடி எனும்
ஆயுதம் கொண்டு
பலரைக் காயப்படுத்தினான்.
சிலரைக் கொன்றான்.

மற்றோரெல்லாம்
சீக்கிரம் இறந்திடவே
புகையால்
சுற்றுச்சூழலை
நாசப்படுத்தி
மரணவலை விரித்தான்.

வீதிகளையெல்லாம்
குப்பைகளாக்கித்
தோட்டிகளுக்கு
வேலை கொடுத்தான்.

கடும் சப்தவெடிகளை
இரவில் வெடித்து
எங்களின்
இரவுத் தூக்கத்தைக்
கெடுத்தான்-அவன்
மகிழ்ந்தான்.

மீண்டும்
அடுத்த ஆண்டு
வருவேன்-என
எச்சரித்துச் சென்றான்.

எண்ணத்தை விசாலமாக்கு

2009-09-27T22:15:00.000+05:30

எனக்குத் தெரிந்த ஆலிம்-எழுத்தாளர்கள் சிலர் தம் எழுதுகோலை மூடிவைத்துவிட்டு ஆன்மிகப் பாதையில் சென்றுவிட்டனர். அவர்களைத் தட்டி எழுப்பிச் சமுதாய மக்கள் பயன்பெறத்தக்க வகையில் அவர்கள் தம் ஆக்கங்களைத் தொடர்ந்து எழுத வேண்டும் எனத் தூண்டுவதற்கே இக்கவிதை.

ஆன்மிகமும்-இஸ்லாமும்
பிரிக்க முடியாத
இரட்டை வித்துக்கள்தாம்.
ஆனால்-நீயோ
ஆன்மிகம் மட்டுமே போதும்-என
ஆழ்மனதில் நினைத்துக்கொண்டு
அல்லாஹ்வை நினைவுகூர்வதில்
அனுதினமும் ஈடுபட்டால்
உன் கல்வியால் இச்சமுதாயத்துக்கு
என்ன பயன்?

தஸ்பீஹ் மணிகளை உருட்டுவதால்
நன்மையைப் பெற்றுக்கொள்வது
நீ மட்டும்தான்-ஆனால்
உன்னால் இச்சமுதாயத்துக்குக்
கிடைக்க வேண்டிய
எண்ணற்ற பயன்கள்
முடங்கிவிட்டனவே!

"மக்களுள் சிறந்தவர்
மக்களுக்கு மிகப்பயனுள்ளவரே"-என
நபிகளின் நாயகர்
நவின்றுள்ளதை-நீ
அறியாதவனில்லையே!

பரந்த புவியினைப்போல்-உன்
எண்ணத்தை விசாலமாக்கு.
உயர்ந்த விண்ணைப்போல்-உன்
சிந்தனையை உயர்வாக்கு-உன்
எண்ணத்திற்கேற்பவே- நீ
இறைவனைக் காண்பாய்.

உன் உள்ளத்திற்குள்
புதைந்து கிடக்கின்ற
எண்ணங்களையும் கருத்துகளையும்
வண்ணங்களாக்கு.
மனித மனங்களில்-அவற்றைப்
படிமங்களாக்கு.

எழுந்திரு!
தஸ்பீஹ் உருட்டியதுபோதும்.
முஸ்லிம்கள் நலன்களுக்காக-உன்
பேனாமுனை பேசட்டும்.
அதுவே எதிரிகளைத்
துளைக்கின்ற
கூராயுதமாகட்டும்!

உன்
ஆக்கங்களை வாசிக்க
எத்தனையோபேர்-பெரும்
ஏக்கங்களோடு
எதிர்பார்த்திருக்கின்றார்கள்.
எழு! எழுது!

நாளைய உலகின்
சரித்திர ஏட்டில்
உன் பெயரைப் பதிவுசெய்!

நீ மரணித்த பிறகும்
உன் வினைச்சுவடியில்
நன்மைகள் வந்துசேர
இப்போதே நீ-அதற்கான
விதையைத் தூவு!

2009-09-10T13:06:00.001+05:30

ஏன்...ஏன்...ஏன்?

2009-08-07T07:24:00.000+05:30

பெற்றெடுத்த பெண் மகளைக்
குப்பைத் தொட்டியில்
வீசியெறிந்திடும்
நெஞ்சமற்ற வஞ்சியே
உனக்கேன் இல்லற சுகம்?

ஈன்ற குழந்தைக்குத்
தாய்ப்பாலூட்டி வளர்க்காமல்
புட்டிப்பாலை ஊட்டிடும்
குற்றறிவு கொண்ட நங்கையே
உனக்கேன் இரு கொங்கையே?

பச்சிளங்குழந்தையின்
மழலைமொழி கேட்டு
மகிழ்ந்திடும்
இன்பமறியாமல்
குழந்தைக் காப்பகத்தில்
விட்டுச்செல்லும் அன்னையே
உனக்கேன் குழந்தையே?
உனக்கேன்
அன்னை எனும் பதவியே?

குழந்தையின்
அழுகுரல்கேட்டு
அமுதூட்டிடாமல்
இசையை
இரசித்துக்கொண்டிருக்கிற
இளையவளே!
நீ
இசை மழையில்
நனைகின்றபோது
உன் குழந்தை
கண்ணீர் மழையில்
நனைவதை அறியாயோ?

பெற்றெடுத்த குழந்தையைப்
பெற்றுடன் வளர்க்கக்
கற்றிடாத காரிகையே
உனக்கேன்
கட்டில் சுகம்?

கலிகாலமாதலால்
கல்நெஞ்ச அன்னையர்
மிகுந்துவிட்டனரா?
கணினியுகமாகிவிட்டதால்
தாய்ப்பாசமும்
கரைந்துவிட்டதா?

HOLY QURAN TRANSLATION(TAFSEER) IN TAMIL - Chennai

2009-07-17T07:31:00.001+05:30

HOLY QURAN TRANSLATION(TAFSEER) IN TAMIL - Chennai

Shared via AddThis

Get Your Button Code

2009-07-15T18:35:00.001+05:30

AddThis - Get Your Button Code

Shared via AddThis

எது உண்மைக்காதல்?

2009-07-15T08:04:00.000+05:30

காதல் எனும்
வார்த்தையையே
களங்கப்படுத்திய
காதலர்தின இளவல்களே!
உங்கள் காதல்
உண்மைக் காதலன்று.

வண்டுகள்
மலர்களை ஏமாற்றித்
தேனைப் பருகிவிட்டு
அம்மலர்களைக்
கைவிட்டுவிடுவதைப்போல்

நீங்கள்
உங்களின் மோகத்தால்
நங்கையரின்
தேகசுகத்தை
அனுபவித்துவிட்டுப்
பேதையரின் தேகத்தைக்
கைவிட்டுவிடுகின்றீர்!

ஆம்!
நீங்கள்
தேகத்தைக் காதலிக்கும்
மோகப்பருவத்தில்
மூழ்கிக்கிடக்கின்றீர்!

இல்லையென்றால்
மணமுடித்த
சில மாதங்களிலேயே
மனக்கசப்பும்
மணமுறிவும்
ஏற்படுவதேன்?

மணாளியோ
மணவிலக்குக்கோரி
நீதிமன்றம் செல்வதேன்?

இளைஞனும் இளைஞியும்
தம்பதியராகி
இல்லறத்தில் காதலிப்பதே
இயல்பான காதல்
அதுவே
உண்மைக்காதல்!

Real Time Unicode Converter

2009-07-09T14:53:00.000+05:30

Real Time Unicode Converter

QuranFlash :: The Holy Quran

2009-06-08T19:41:00.000+05:30

QuranFlash :: The Holy Quran

நீதிமன்றம்

2009-03-18T09:24:00.000+05:30

இது
நிதியை வாங்கிக்கொண்டு
நீதியை விற்குமிடம்.

இதனால்தான்
ஏழைகளுக்கு இது
எட்டாக்கனியாகிவிட்டதோ?

நீதிதேவதை
பார்த்துவிடுவாள்
என்பதற்காகத்தான்
முன்னெச்சரிக்கையாய்
அவளின்
கண்கள் கட்டப்பட்டனவோ?

வழக்குத் தொடுப்போரின்
தரத்தைப் பார்க்கத்தான்
அவளின் கையில்
தராசுத்தட்டோ?

இருட்டறையில்
நிதிபரிமாறப்படுவதால்தான்
அவர்களெல்லாம்
கருப்பங்கி அணிந்துள்ளனரோ?

அல்லது-அவர்கள்
தொடர்ந்து செய்துவந்த
தவறால்
வெண்மையான ஆடை
கருமையாகிவிட்டதா?

இங்குதான்
காசுக்காக
சாட்சி சொல்கின்ற
மனசாட்சியற்ற
மனித மிருகங்களைக்
காண முடியும்!

இன்றுதான் எனக்கு
வா(ய்மை)யே வெல்லும்
என்பதன் பொருள் புரிந்தது.
ஏனெனில்
நடந்து முடிந்த வழக்கில்
அனுபவப்பட்டவன்
நானல்லவா?

சோகங்கள் சுகமாகும்...

2009-01-31T08:46:00.000+05:30

வருத்தமே வாழ்க்கையான

நான் _ என்

வருத்தத்தை நீக்கிக்கொள்ள

அருகில் நின்ற ஒருவரிடம்

அளவளாவினேன்.

சிறிது நேரத்தில்

அவரும் தம்

சோகக்கதைகளைச் சொல்லி

அழுகத் தொடங்கிவிட்டார்.

பிறரைக் காண

என் வருத்தமே எனக்கு

பெரிதாய்த் தெரிந்தது.

ஆனால் அவர்கள்தம்

உள்ளக் கிடக்கைகளைக்

கொட்ட ஆளின்றி

உள்ளுக்குள்ளேயே குமுறுவது

அப்போதுதான்

எனக்குப் புலப்பட்டது.

'உள்ளங்கள் அழுதாலும்

உதடுகள் சிரிக்கட்டும்'

எனும் நல்லெண்ணத்தில்

வாழ்வதும் தெரிந்தது.

சோகங்கள் இல்லையெனில்

இன்பத்தின் இனிமை

தெரியாமலே போய்விடும்

என்பதால்தான்

இன்பம் துன்பம்

இரண்டையுமே

இரவு பகலாக

மாறிவரச் செய்துள்ளான்

மறைதந்த இறைவன்.

சோகங்கள் பல இருந்தும்

சிலர் அவற்றை

வெளிக்காட்டுவதில்லை.

ஏனெனில் அவர்கள்

அவற்றை அனுபவித்து

சகித்துக்கொண்டவர்கள்;

அவற்றை இனிதாக

சுகித்துக்கொண்டவர்கள்.

அவற்றையே அவர்கள்

இனிமையாகக்

கருதுவதால்தான்

அவர்களுக்கு_ தம்

சோகங்களெல்லாம்

சுகங்களாகவே

தென்படுகின்றன.

கீறல்களைச்

சகித்துக்கொள்வதால்தான்

சாதாரண மூங்கில்கூட

இனிய ஓசைதரும்

புல்லாங்குழலாகிறது.

செதுக்கல்களைச்

சகித்துக்கொள்வதால்தான்

சாதாரண கல்கூட

அழகுமிகு சிற்பமாகிறது.

சோகங்கள் சுகமாகும்...

அவற்றைச் சகித்துக்கொண்டால்;

அவற்றையே சுகித்துக்கொண்டால்.

அல்லாஹ் ஒருவன் மீது

நம்பிக்கை கொண்டால்.

**************

Ayishah Arabic Typing Centre

2009-01-11T19:11:00.000+05:30

Ayishah Arabic Typing Centre

N.Abdul hadi Baquavi, M.Phil.
Mobile: 9444354429
Phone : 044-25916380
Email : hadi2abshar@gmail.com
Web blog:
www.hadi-baquavi.blogspot.com
www.hadibaquaviar.blogspot.com
www.hadi1977.wordpress.com
My services: Translation:
Arabic-Tamil

Urdu- Tamil

English-Tamil

Typing:
Arabic, English &Tamil

Proofreading:
Tamil, English and Arabic books
Note: All are available by online also.

என் குற்றமா? உன் குற்றமா?

2008-12-29T23:16:00.000+05:30

'தஞ்சை மாவட்டத்தில், வெளிநாடு சென்றுவிட்ட ஒருவரின் துணைவி, தான் கற்புநெறி தவறிவிட்டதை மக்கள் அறிந்துகொண்டார்கள் என்பதால் தன் உயிரைத் தூக்குக் கயிறுக்கு இரையாக்கிக்கொண்டு விட்டாள்'_ எனும் கசப்பான (உண்மையான) செய்தியைச் செவியுற்று என் உள்ளம் அழுகத் தொடங்கியது. அத்துடன் அவள் சார்பாக சில வினாக்களை வினவத் தொடங்கியது.

என் இனிய துணைவனே!

உன் துணைவிதான் பேசுகிறேன்.

மணமுடித்த சில

மாதங்களிலேயே- நீ

பணம் சம்பாதிக்கப்

பயணித்துவிட்டாய்.

பருவ மங்கை- எனை

அன்றே மறந்துவிட்டாய்.

பலரும் நமை வாழ்த்த

பெரியோர் முன்னிலையில்

மலர் முகத்தோடும்

நகர் வலத்தோடும் நமக்கு

மணமுடித்து வைத்ததேன்?

நீயும் நானும்

தனித்தனித் தீவுகளாய்

தனிமையில் வாடிடவா?

அல்லது

தனிமையில் ஒன்றிணைந்து

இனிமையாய் உறவாடிடவா?

துணைவியின்

தேவைகளைத் தீர்ப்பது

துணைவனின் கடமையல்லவா?

துய்யவனே- உன்

துணைவி எனை- நீ

மறந்ததேன்? -தாயகம்

துறந்ததேன்?

நீ

பாடுபட்டு அனுப்பிய

பணமெல்லாம் - என்

வயிற்றுப் பசியைத்தான்

தீர்த்தது- என்

காமப்பசிக்கு - எதை நீ

அனுப்பிவைத்தாய்?

அன்றொரு நாள்

உன் பேச்சை

ஒலிநாடாவில்

அனுப்பிவைத்தாய்.

ஆனால்- என்

வலி தீர

வழி செய்தாயா?

எத்துணை காலம்தான்

என் உணர்ச்சிகளுக்குப்

பூட்டுப் போட முடியும்?

எத்துணை காலம்தான்

உனை எதிர்பார்த்துக்

காத்திருக்க முடியும்?

அணைபோட்டு

தண்ணீரை

அடைத்து வைத்தபோதும்

அதையும் மீறி

வழிந்தோடுவதில்லையா?

என் உள்ளுணர்வுகளை

பலப்பல பூட்டுகள் இட்டு

தாழிட்ட போதும்

அணைபோட்டு

அடக்கிவைத்தபோதும்

அதையும் மீறி

அன்றொரு நாள்

கொதித்தெழுந்தபோது- என்

புத்தி தடுமாறி

புதைகுழியில் விழுந்துவிட்டேன்.

அறியா மக்களெல்லாம்- இந்த

அரிவையின் செயலைக் கண்டு

தூற்றினர், துப்பினர்.

வாழ வழியறியா

வாழைக்குமரி நான்

மாலை வேளையிலே- எனைத்

தூக்குக் கயிறுக்கு

இரையாக்கிக்கொண்டேன்.

இஃது

என் குற்றமா?

உன் குற்றமா?

நீயும் என்னோடு வா!

நாளை நாம்

இறைவனிடம் பதில் சொல்வோம்!

இது அஷ'ஷரீஅத்துல் இஸ்லாமிய்யா மாத இதழில் பிப்ரவரி 2003 அன்று பிரசுரிக்கப்பட்டது.

My services

2008-12-28T21:58:00.000+05:30

Assalaamu alaykum warah...

Dear brothers, I am doing the following services. If you require my service by online, kindly contact me on my mobile: 9444354429. And send email to: hadi2abshar@gmail.com
1. Online translation English, Arabic and Urdu into Tamil.

2. Online proofreading books of Tamil, English, Urdu and Arabic.

3. Online teaching Arabic, Tamil, Urdu and English.

4. Online typing Arabic, English and Tamil.

kindly visit my web blog:
hadi-baquavi.blogspot.com
hadibaquaviar.blogspot.com

கலிகாலம்

2008-12-27T18:58:00.000+05:30

பெற்றெடுத்த குழந்தையைப்

பாசமின்றி

குப்பைத் தொட்டியில்

தூக்கியெறியும் அன்னை.

சொத்துக்காக

பெற்ற தந்தையையே

கொலை செய்கின்ற தனயன்.

பதவிக்காக

ஏழைகளின் குடிசைகளைத்

தீக்கிரையாக்கும் அரசியல்வாதிகள்.

கன்னியரின் கற்பை

காவல் நிலையத்திலேயே

சூறையாடும் காவலர்கள்.

பணத்திற்காக

வெட்கத்தைத் துறந்துவிட்ட

பெண்கள்-நடிகைகள்.

மதியைக் கெடுக்கின்ற

மதுவிற்கும்

மாதுகள்.

பணத்திற்காக

உடலைவிற்று

உடம்பு வளர்க்கும்

விலைமாதர்கள்.

நிதியைப் பெற்றுக்கொண்டு

நீதியை விற்றுவிடும்

நீதிபதிகள்.

யாவரையும்

இன்று காணும் நீ

நாளை

பெற்றெடுத்த தாயுடனே

உடலுறவு கொள்ளும்

தனயனையும் காண்பாய்.

காமவெறிகொண்ட

கன்னியர்கள்

ஆணைத் துறத்துகின்ற

அவலத்தையும் காண்பாய்.

நாய்கள் போல்

நடுவீதியில்

உறவுகொள்ளும்

நாகரிகமற்றோரையும் காண்பாய்.

நிர்வாணமாய்

நங்கையரெல்லாம்

ஒய்யாரமாய்

நடக்கக் காண்பாய்.

ஆம்.

இது கலிகாலம்.

(தமிழருவி-2001-இல் இடம்பெற்ற கவிதையிது.)

Hearty welcome

2008-12-27T18:34:00.000+05:30

I heartily welcome one and all who visits my blog. I think that my thoughts and suggestions have to reach all hearts of the Universal mankind.

lovingly

N.Abdul hadi Baquavi, M.Phil. (Alangudi)

787878 8787 87 87 87 87 87 87 87 87 87 87 87